Главная » Статьи » Казахский язык » Стихи на казахском

Ыбырай АЛТЫНСАРИН — Жаз

загрузка…

Жаз

Сәуірде көтерілер рахмет туы,
Көрінер көк жүзінде қаз бен қуы.
Көктен жаңбыр, таулардан сулар жүріп,
Жайылар жер жүзіне қардың суы…
Ұшпақтың бір сәулесі жерге түсіп,
Өсірер жерден шөпті нұрдың буы.
Жақындар Құдайымның көктен күні,
Тең болар жарлықпенен күн мен түні.
Аспаннан рақымменен күн төнгенде,
Қуанып қыбырлайды ыныс-жыны.
Ұйқыдан көзін ашқан жас балаша,
Жайқалып шыға келер жердің гүлі.
Шапақтан бұлты шығар мұнарланып,
Жаңбырлы күндер түсер тұманданып.
Адамзат нәр ауасын судай жұтар,
Шөл тартқан айуандарша құмарланып.
Жетпеген үлкендікке жас балалар
Жүгірер ойдан-қырға жұмарланып…
Сәуірде алуан-алуан жауар нөсер,
Нөсердің құатымен жер шөбі өсер.
Көкорай дүние жүзі шалғын болып…
Жан, айуан, адамзат бауырын төсер.
Жан-жәндік рахат тауып тұру үшін
Ұшпақтан хош иісті желдер есер.
Сәуірдің әрбір күні дертке дәрмен,
Құдайым дәрмен бол деп етер пәрмен.
Бір малы шаруаның екеу болып,
Қыстаудан ел шығады алуан-алуан.
Күлісіп, құшақтасып әзіл етер,
Әйелдер көш жөнелтіп кейін қалған…
Жүгірер киік, құлан тау мен қырда,
Қуанып ықыласпен келген жылға.
Алыстан мұнарланған сағымдары
Шақырып тұрар күліп кел деп мұнда.

Источник: олең, Ыбырай АЛТЫНСАРИН, стихи на казахском языке, олендер, олен

• 1
• 2
• 3
• 4
• 5

Категория: Стихи на казахском | Добавил: admin (21.01.2013)
W

Просмотров: 25005
| Теги: олең, стихи на казахском языке, олендер, олен, Ыбырай Алтынсарин
| Рейтинг: 3.7/7

Похожие материалы

• Ыбырай АЛТЫНСАРИН — Кел, балалар, оқылық
• Ыбырай АЛТЫНСАРИН — Өнер-білім бар жұрттар
• Ыбырай АЛТЫНСАРИН — Өзен
• Стихи о родном языке на казахском
• Абай ҚҰНАНБАЙҰЛЫ — Жасымда ғылым бар деп ескермедім
• Абай ҚҰНАНБАЙҰЛЫ — Әсемпаз болма әрнеге
• Абай ҚҰНАНБАЙҰЛЫ — Көлеңке басын ұзартып
• Абай ҚҰНАНБАЙҰЛЫ — Ғылым таппай мақтанба
• Абай Кунанбаев — Жаз, Күз, Қыс
• Абай ҚҰНАНБАЙҰЛЫ — Жазғытұры

Всего комментариев: 0

Добавлять комментарии могут только зарегистрированные пользователи.
[ Регистрация | Вход ]